Në gjendje të dëmtuar, kanë ardhur një pjesë e madhe e veturave të Policisë.
Në pamjet e siguruara nga mediumi, shihet se ato janë dëmtuar në masë të madhe.
Për këtë, nga Policia e Kosovës thonë për tëvë1 se faji është tek procedurat e tenderimit.
“Policia e Kosovës posedon automjete të llojeve dhe modeleve të ndryshme dhe për mirëmbajtjen, gjegjësisht riparimin e tyre, fillimisht duhet bërë furnizimin me pjesë të ndryshme përmes procedurave të prokurimit ashtu siç parashihet me Ligjin e Prokurimit. Kohëve të fundit janë nënshkruar disa kontrata dhe disa tjera janë në proces e sipër”, thonë nga PK-ja.
Se pjesëtarët e Policisë kanë kushte të vështira pune, e thotë edhe kryetari i Sindikatës, Imer Zeqiri, i cili shton se kjo po ndikon në kryerjen e punës së tyre.
Ndërkaq, hartuesi i Ligjit për Policinë, Nuredin Ibishi thotë se këto procedura do duhej tejkaluar kur bëhet fjalë për tenderët në këtë institucion.
Gjatë kësaj jave, pjesëtarët e flotës operative, të cilët mirren me servisimin e veturave zyrtare, kanë mbajtur një protestë për shkak të pakënaqësive me ligjin për paga.