Dy vetura janë përfshirë në një aksident komunikacioni në rrugën “Gaspër Karaqi” në Gjakovë, ku janë lënduar tre perona dy nga ta pjesëtarë të policisë.
Në këtë aksident janë përfshirë një veturë e policisë dhe një veturë që po transportonte një trup që dyshohej se kishte bërë vetëvrasje.
Rastin për teve1.info e ka konfirmuar zëdhënësi i Policisë së Kosovës për rajonin e Gjakovës, Shermet Elezaj
“Sot policia ju ka përgjigjur një rasti ku një familjar me veturë ishte duke transportuar një viktimë e cila dyshohej se ishte vetëvrarë. Në përcjellje e sipër në rrugën “Gaspër Karaqi” në Gjakovë, janë aksidentuar vetura e policisë dhe vetura që bënte transportin e viktimës. Deri më tani tre persona kanë kërkuar ndihmë mjekësore (dy zyrtarë policorë dhe një qytetar)”, ka thënë Elezaj.
Ai ka bërë të ditur se për rastin është njoftuar edhe IPK, në koordinim me të cilët do vazhdohet me procedim të rastit.
