Dy persona kanë mbetur të lënduar si pasojë e një vetaksident që ka ndodhur në Shtërpcë.
Kështu konfirmoi për teve1.info zëdhënësi i Policisë së Kosovës për rajonin e Ferizajt, Qazim Reka.
Reka thotë se shkaqet që ka ndodhur aksidenti dyshohet të jenë ngricat e krijuara në rrugë si rezultat i rrjedhës së ujit në rrugë nga një shpërthim i gypit.
Sipas tij, vetura dyshohet se nuk iu është përshtatur shpejtësisë dhe ka përfunduar jashtë rrugës.
“Sot, rreth orës 05:20 në magjistralen Ferizaj-Shtërpcë në hyrje, ka ndodhur një vetaksindet. Si rezultat i rrjedhjes së ujit në rrugë, ka pasur një shpërthim të një gypi, janë krijuar ngrica, me ç’rast një veturë nuk i është përshtatur shpejtësisë dhe ka përfunduar jashtë rrugës. Dy persona janë lënduar, lëndime të lehta, nuk janë serioze. ”, tha ai./teve1.info/
