Një zyrtare policore është goditur nga një veturë, gjatë zhvillimit të një operacioni policor për tentim-ndalim në Veternik të Prishtinës.
Zyrtarja policore është dërguar me emergjencë për tretman mjekësor, ku ka pësuar thyerje të këmbës.
Gjatë këtij rasti Policia e Kosovës thotë se i dyshuari ka tentuar t’i ikë kontrollit policor, me ç’rast është përdorur edhe arma e zjarrit.
Sipas policisë, nga të shtënat me armë zjarri nuk ka persona të lënduar.
Në raportin 24-orësh thuhet se rasti është cilësuar “Vrasje në tentativë”, dhe ende është në faza procedurale të hetimit.
Njoftimi nga Policia e Kosovës:
VRASJE NË TENTATIVË· Veternik, Prishtinë, 23.06.2023 – 18:50. Njësia policore gjatë zhvillimit të një operacioni policor, gjatë tentim-ndalimit të një veture, i dyshuari për t’i ik kontrollit policor, me veturën e tij ka goditur zyrtaren policore. Policia në këtë rast ka përdorur armën e zjarrit, nga të shtënat me arë nuk ka të lënduar nga arma. Kurse, viktima (zyrtarja policore) është dërguar në emergjencë për tretman mjekësor, ajo ka pësuar lëndime të rënda (thyerje të këmbës). Rasti është duke u hetuar./teve1.info/
