Një këmbësore është goditur nga një veturë në rrugën “Agim Ramadani” në Prishtinë mëngjesin e së enjtes, raporton teve1.info
Sipas zëdhënëses së Policisë për Rajonin e Prishtinës, Flora Ahmeti, këmbësorja ka pësuar lëndime trupore dhe është dërguar për tretman mjekësor.
Sipas Ahmetit, me rastin po merret njësiti i trafikut.
“Rreth orës 08:30 kemi pranuar informatën se në rrugën “Agim Ramadani” në Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësore dhe një automjet. Si pasojë e aksidentit lëndime trupore ka pësuar këmbësorja dhe e njëjta është dërguar për tretman mjekësor. Me rastin po merret njësiti i trafikut”, tha Ahmeti.