Sot rreth orës 17:20 është goditur nga një veturë një këmbësor në Prishtinë.
Zëdhënësja e Policisë së Kosovës, Flora Ahmeti ka thënë se këmbësori ka pësuar lëndime, pasi është goditur nga një veturë në lëvizje.
Më tej, ajo ka njoftuar se personi i lënduar është dërguar për trajtim mjekësor, ndërsa me rastin po merret njësiti i trafikut.
“Rreth orës 17:20 kemi pranuar informatën se në rrugën “Ilir Konushevci” në Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësor dhe një veturë në lëvizje. Si pasojë e aksidentit lëndime trupore ka pësuar një person (këmbësor). E lënduara është dërguar për trajtim mjekësor. Me rastin po merret njësiti i trafikut”, është shprehur ajo për teve1.info.
