Një këmbësor është goditur nga një veturë në rrugën Fushë-Kosovë- Prishtinë, të dielën pasdite.
Më këtë rast këmbësori ka pësuar lëndime trupore dhe është dërguar për tretman mjekësor.
Lajmin për teve1.info e ka konfirmuar zëdhënësja rajonale e Policisë, Flora Ahmeti.
“Rreth orës 16:40 kemi pranuar informatën se në rrugën Fushë Kosovë – Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësor dhe një automjet. Si pasojë e aksidentit lëndime trupore ka pësuar këmbësori dhe i njëjti është dërguar për tretman mjekësor”, ka thënë ajo.
Ahmeti ka thënë se me rastin po merret njësiti i trafikut.
