Me semaforin që iu jepte përparësi, çifti po kalonte në anën tjetër, por një mjet me shpejtësi të lartë mbi 100 km në orë, pa respektuar sinjalistikën, i ka goditur.
Gruaja V. K., 43 vjeçe dhe burri A. K., 48 vjeç, bashkë me foshnjen e tyre 3 muajsh ndodhen në spitalin e Traumës, nën kujdesin e mjekëve, por ende nuk dihet gjendja e tyre shëndetësore.
Ishte mjeti luksoz ‘Mercedes-Benz G-Class’ me targa gjermane, me drejtues Ajas Sulejmeni, 39 vjeç, i cili pas aksidentit të rëndë, e braktisi mjetin duke u larguar me shpejtësi.
Autori arriti të arratisej nga vendi i ngjarjes, ndërsa policia ka mundur të shoqërojë në komisariat të afërmin e tij, që ndodhej me të në mjet gjatë momentit të aksidentit.
Grupi hetimor po punon për kapjen e autorit dhe sqarimin e rrethanave të ngjarjes./Tch
