Një veturë e tipit BMW 320 me targa gjermane, e vjedhur në shtetin e Gjermanisë, është gjetur në Mitrovicë të Veriut.
Deri tek gjetja ka ardhur pas një bashkëpunimi mes policisë së Kosovës dhe autoriteteve gjermane.
“Automjeti i kërkuar është lokalizuar në veri të vendit, ku njësitet policore të Drejtorisë Rajonale Mitrovicë Veri, falë veprimeve të menjëhershme operativo-hetimore kanë lokalizuar dhe konfiskuar automjetin e kërkuar, i cili ka qenë i parkuar në një lokacion në komunën Mitrovicë Veri”, thuhet në njoftimin e policisë.
Rasti bëhet e ditur se po vazhdon të hetohet, në bashkëpunim me autoritetet gjermane të sigurisë.
