Lëvizja Vetëvendosje ka vlerësuar punën që ka bërë Albulena Haxhiu si ministre e Drejtësisë,e cila pas zgjedhjes nënkryetare e Kuvendit nuk do të jetë më pjesë e ekzekutivit.
Sipas zëdhënësit të Vetëvendosjes, Arlind Manxhuka ka thënë se një gjatë Qeverisë Kurti, drejtësia ka qenë një nga betejat më të mëdha.
Ai ka thënë se Haxhiu ka iniciuar e përmbyllur dokumente që ishin thelb i reformës në drejtësi.
“Si rezultat ministrja Albulena Haxhiu ka iniciuar e përfunduar:- Pakon për Vettingun;- Ligji për Byronë për Verifikimin dhe konfiskimin e pasurisë së pajustifikueshme;- Ligjin për Këshillin Prokurorial;- Reforma për Adresimin e Krimeve të luftës (E jetësuar). Nuk janë thjesht 4 dokumente, por reforma që e prekin esencialisht fushën e drejtësisë në Kosovë. Këto reforma i kanë bllokuar e vonuar, por mandati i radhës do të jetë koha kur ato do të zhbllokohen e frytet e kësaj pune do të jenë evidente”, ka shkruar Manxhuka.
Në vend të Haxhiut, ushtrues detyre i ministrit të Drejtësisë është emëruar Blerim Sallahu i cili ka qenë zëvendësministër./teve1.info/
