Kundër bastisjeve të fundit të Gjykatës Speciale, të premten protestuan veteranët e luftës. Para selisë së EULEX-it ata gjuajtën telefonat e tyre personal për t’ia ofruar Zyrës së Prokurorit në Hagë. Ushtruesi i detyrës së kryetarit të OVL-UCK-së, Faton Klinaku tha se personat që po vijnë për bastisje po bëjnë filma dhe janë të papranuara, derisa i njëjti tha se konfiskimin e gjërave të tyre mund ta bëjnë vetëm Policia e Kosovës.
Në këtë formë, po ia ofrojnë telefonat e tyre personal Zyrës së Prokurorit të Specializuar në Hagë.
Duke i hedhur ata në drejtim të selisë së EULEX-it, organizatat e dala nga lufta po protestojnë kundër bastisjeve të fundit që u kryen nga Gjykata Speciale.
Sipas ushtruesit të detyrës së kryetarit të OVL-UÇK-së, Faton Klinaku kontrollet e shtëpive të ish – ushtarëve nga njerëz të maskuar janë të papranuara.
Madje Klinkaku tha se ata po përgjohen vazhdimisht.
E gjatë kësaj proteste, ushtarët me vete morën edhe flamurin e tyre.
Afrim Sogojeva buzë-dridhur thotë se kjo sjellje e zyrtarëve që po i kontrollojnë ia kujton vitet e luftës së fundit me Serbinë.
E anëtari i OVL-UÇK-së, Enver Hajdari thotë se familjet e këtyre ushtarëve po përjetojnë edhe njëherë trauma.
E këtë protestë e mbështetën edhe Partia Socialdemokrate.
Ditëve të fundit, me urdhër të Gjykatës Speciale në Hagë, EULEX-i ua ka konfiskuar telefonat ish-komandantit në Zonën Operative të Llapit, Rrustem Mustafës – Remit, ish të burgosurit politik, Nait Hasanit, Arben Mustafës, vëllait të ish-komandat Salih Mustafës – Calit.
