E pavarësisht kapaciteteve që ka kjo ambasadë, thotë se koha e pritjes është e pashmangshme pasi ka kërkesa të vazhdueshme.
“Në vitin 2021, Ambasada Gjermane i ka lëshuar 4.442 viza pune (përfshirë viza për shkencëtarë, trajnime profesionale, praktika, Au Pair, punë vullnetare) për nënshtetas kosovarë të të gjitha moshave. Në po të njëjtin vit, Ambasada Gjermane Prishtinë ka qenë një nga ambasadat gjermane në mbarë botën, e cila ka lëshuar më së shumti viza”, kanë thënë nga ambasada Gjermane në Prishtinë Prishtinë.
Dy kushërinjtë Endrit dhe Visar Perteshi kanë edhe dokumentet e përgatitura për këtë lloj vize në Gjermani.
Endriti vetëm 19 vjeç, tregon se vendin nuk po e lëshojnë vetëm qytetarët e pashkolluar siç ka thënë kryeministri Albin Kurti para disa ditëve, por edhe ata që kanë arsimim shumë të lartë.
E rrugën si Endriti, e ka marrë edhe djali i axhës së tij 22 vjeçar Visari.
Sipas tij, shteti nuk po bënë mjaftueshëm për rininë e vendit, andaj po detyrohen të largohen.
Në anën tjetër, përfaqësuesit e organizatës “Germin” thonë se ikja e të rinjve nuk është vetëm për shkak të shkollimit.
Sipas Lirim Krasniqit, qytetarët që ikin nga vendi janë kryesisht me edukim të lartë.
Përveç vizës së punës, gjatë këtij viti kjo ambasadë ka lëshuar mbi 16 mijë e 800 viza për të gjithë shtetasit e Kosovës.
Kronikë e realizuar nga gazetarja, Fetije Kamberi
