Përderisa përzgjedhësit e shteteve pjesëmarrëse në Evropianin dhe Botërorin e fundit kanë pasur 26 futbollistë në listat e tyre, në “Euro 2024”, ky numër do të zvogëlohet.
Numri i lojtarëve pjesëmarrës në Evropianin 2024 do të zvogëlohet në 23, në bazë të rregullores së publikuar nga UEFA për turneun që nis më 14 qershor dhe përfundon më 14 korrik të vitit të ardhshëm.
Lista e zgjeruar me 26 lojtarë ishte bërë për arsye të pandemisë së koronavirusit.
Ndërkohë, emrat finalë që do të jenë pjesëmarrës në Evropianin që organizohet në Gjermani, duhet të dorëzohet më së voni më 7 qershor.
