Një vetaksident me fatalitet ka ndodhur sot në orët e para të mëngjesit në fshatin Treboviq të Pejës.
Zëdhënësi i policisë për rajonin e Pejës, Fadil Gashi për teve1.info bëri të ditur se të lënduar nga aksidenti kanë mbetur dy persona tjerë.
“Fillimisht tre persona janë lënduar si pasojë e këtij vetaksidenti që ka ndodhur rreth orës 00:02, në fshatin Treboviq, e më pas njëri prej tyre nuk ka arritur t’ju bëjë ballë lëndimeve dhe ka vdekur. Vdekjen e viktimës e ka konstatuar mjeku. Trupi i pajetë i viktimës është dërguar në IML për obduksion”, deklaroi Gashi.
Gashi tha se dy të lënduarit janë dërguar në QKUK për trajtim mjekësor.
E për gjendjen e tyre për tëvë1.info ka folur drejtori i Klinikës Emergjente në QKUK, Naser Syla i cili ka thënë se dy të lënduarit janë në gjendje shumë të rëndë shëndetësore.
Sipas Sylës, të lënduarit kanë pësuar politrauma të rënda dhe trajtimi i tyre po vazhdon në MIQ.
“Të dy janë në Emergjencë, gjendje shumë e rëndë, janë kryer ekzaminimet dhe konsultat e nevojshme, politrauma të rënda, trajtimi do të vazhdon në MIQ”, ka deklaruar Syla./teve1.info/
