Katër persona kanë pësuar lëndime si pasojë e një vetaksidenti sot në Drejë të Istogut.
Fadil Gashi, zëdhënës i policisë rajonale të Pejës, ka bërë të ditur se vetaksidenti ka ndodhur rreth orës 14:00.
“Katër të lënduarit janë dërguar për trajtim mjekësor në Emergjencën e Spitalit të Pejës dhe ndodhen jashtë rrezikut për jetë”, ka thënë ai.
Njësitet kompetente kanë dalë në vendin e ngjarjes për të përcaktuar shkaqet e vetaksidentit.
