Në autostradën “Ibrahim Rugova”, një person ka humbur jetën në vetaksident, teksa një tjetër është lënduar.
Lajmin për teve1.info, e ka konfirmuar zëdhënësi i Policisë së Kosovës, Baki Kelani, derisa ka bërë të ditur se në vendin e ngjarjes janë ndërmarrë të gjitha veprimet e nevojshme policore, përcjell teve1.info.
“Me datën 02.09.2023 rreth orës 06:10, në autostradën Ibrahim Rugova në km 24 drejtimi i Vërmicës, ka ndodhur një vetaksident me lëndime trupore, ku një automjet Suzuki me targa lokale me vozitës mashkull kosovar, dyshohet se ka humb drejtimin dhe është rrokullisur në rrugë, me ç‘rast lëndime trupore kane pësuar dy persona, njeri prej të cilëve më vonë ka ndërruar jetë. Në vendin e ngjarjes kanë dalë patrulla policore, njësia e hetimeve, kompania për mirëmbajtjen e rrugës. Në lidhje me rastin është njoftuar prokurori kujdestar, përderisa janë marrë të gjitha veprimet e nevojshme policore”, thuhet në konfirmim.
