Një vetaksident ka ndodhur mëngjesin e sotëm në Autostradën “Ibrahim Rugova”, ndërsa deri më tani nuk ka informacione zyrtare nëse ka persona të lënduar nga ky incident.
Sipas raportimeve nga vendi i ngjarjes, rruga në momentin e aksidentit nuk ka qenë e pastruar nga bora, çka mund të ketë ndikuar në shkaktimin e vetaksidentit. Pamjet e publikuara tregojnë se automjeti ka pësuar dëme materiale, por nuk ka konfirmim nëse ndonjë person ka kërkuar ndihmë mjekësore.
Ekipi i Tëvë1 ka tentuar të marrë një përgjigje zyrtare nga Policia e Kosovës lidhur me këtë rast, por deri në momentin e publikimit të këtij lajmi nuk ka pasur ndonjë përgjigje nga autoritetet.
