Një person ka humbur jetën si pasojë e vetaksidentit që pësoi pasditen e sotme në fshatin Jabllanicë të Komunës së Gjakovës.
Viktima dyshohet se ka humbur kontrollin mbi automjetin dhe është vetaksidentuar.
Vdekja e tij është konstatuar nga ekipi mjekësor, ndërsa në vendin e ngjarjes kanë dalë edhe njësitë policore.
“Rreth orës 15:50 është raportuar aksident trafiku në fshatin Jabllanicë – Gjakovë. Policia ju ka përgjigjur rastit, ku ngasësi i një automjeti dyshohet të ketë humbur kontrollin mbi automjetin dhe është vet-aksidentuar. Për pasojë ngasësi (mashkull i moshës madhore) ka humbur jetën, vdekjen e të cilit e ka konstatuar ekipi mjekësor. Rasti është duke u trajtuar nga Njësia Rajonale e Komunikacionit Rrugor”, tha zëdhënësi i Policisë së Kosovës për rajonin e Gjakovës, Sheremet Elezaj.
