Një 54-vjeçar ka humbur jetën si pasojë e vetaksidentit mbrëmjen e sotme në fshatin Vogovë të Gjakovës.
Shtetasi i Shqipërisë, dyshohet se ha humbur kontrollin dhe i njëjti është vetaksidentuar.
Zëdhënësi i Policisë së Kosovës, për rajonin e Gjakovës, Sheremet Elezaj, për teve1.info thotë se lidhur me rastin është njoftuar prokurori i shtetit, si dhe janë duke u ndërmarrë veprimet hetimore.
“Rreth orës 19:50 kemi pranuar informatë për aksident trafiku në fshatin Vogovë- Gjakovë. Policia ka dalë në vend-ngjarje ku ngasësi i një automjeti dyshohet se ka humbur kontrollin mbi automjetin dhe është vet-aksidentuar. Për pasojë shoferi i automjetit (mashkull, shtetas i Republikës së Shqipërisë, i lindur në vitin 1969) ka humbur jetën. Lidhur me rastin është njoftuar prokurori i shtetit si dhe janë duke u ndërmarrë veprimet e nevojshme hetimore”, tha ai./teve1.info/
