Ish-kryeparlamentari i Kosovës, Kadri Veseli në fjalimin e tij para trupit gjykues në Hagë ka deklaruar se sa i përket pjesëmarrjes së tij në luftë, sipas tij, ajo nuk ka lindur prej dëshirës për konflikt.
Ish-kryeparlamentari ka shtuar se si i ri ka dëshiruar një jetë të thjeshtë, të jetojë në vendin e tij me dinjitet në paqe dhe me familje.
Veseli para trupit gjykues ka theksuar se tragjedia në Prekaz me 5,6 dhe 7 mars të vitit 1998 nuk ka qenë akt i izoluar, por vazhdim i masakrave të kryera prej forcave serbe.
Sipas Veselit, jeta e tij kishte kuptim, vetëm nëse populli i tij të jetonte në liri, prandaj për këtë theksoi ai se është kthyer në Kosovë.
“Liria nuk mund të arrihet përmes padrejtësisë, as paqja nuk mund të ndërtohet mbi krim, një akuzë e drejtë nuk mund të mbrohet me mjete të padrejta. Nuk është provuar asnjë veprim i kundërligjshëm nga ana ime, kjo nuk është qështje interpretimi, kjo është qështje fakti, sa i përket pjesmarrjes sime në luftë, ajo nuk ka lindur prej dëshirës sime për konflikt, si i ri kam dëshiruar edhe unë një jetë të thjeshtë, të jetoja në vendin tim me dinjitet në paqe me familjen time. Tragjedia në Prekaz me 5, 6 dhe 7 mars 1998 nuk ka qenë akt i izoluar, por vazhdim i masakrave të kryera prej forcave serbe. Për mua jeta kishte kuptim vetëm nëse populli im jetonte në liri, prandaj jam kthyer në Kosovë. Dua të theksoj ne të gjithë jemi qenie humane, me prirje dhe mendime të ndikuara nga ata që na rrethojnë në ambientin ku jetojmë, besimi im tek e vërteta dhe drejtësia mbetet i palëkundur dhe dua të besoj fuqishëm se në vendimin tuaj do të mbisundoi vetëm e vërteta, paanësia, drejtësia dhe ligji”, ka përfunduar ai./teve1.info/
