Veseli ka deklaruar se është i pafajshëm. Ai tha se ka pranuar amendamentet në aktakuzën e konfirmuar të cilat janë ndryshuar, përcjell teve1.info.
”Deklarohem i pafajshëm”, u shpreh Veseli.
Ai tutje ka thënë se ka kërkuar para trupës së pranishme që procesi gjyqësor të fillojë sa më shpejtë.
”I kam lexuar, vetëm kam dëshirë që procesi gjyqësor të fillojë sa më shpejtë dhe të kem të drejtën time të shpreh pozitën time dhe pafajësinë time para qytetarëve të Republikës së Kosovës, luftëtarëve të UÇK-së dhe këtij gjyqi të nderuar”.
”Ju falënderoj për të gjitha të drejta, dhe kisha pasë dëshirë që këto të drejta që i përmendni të kam të drejtë dhe t’i aplikoj”, tha Veseli.
Edhe ish-presidenti Hashim Thaçi është deklaruar i pafajshëm.
Seanca gjyësore do të mbahet edhe ndaj Jakup Krasniqit dhe Rexhep Selimit.
