George Russell ka deklaruar të premten se Mercedesi është në bisedime me Max Verstappenin, për transferimin e tij në sezonin e ardhshëm, ka shkruar BBC.
Britaniku 27-vjeçar që garon për skuderën e Mercedesit, Russell, do të jetë pa kontratë në vitin e ardhshëm.
Kampioni i botës në Formula 1, Verstappen, ka kontratë me Red Bullin deri në fund të vitit 2028, por marrëveshja mund të prishet pasi në klauzolë përfshihet edhe lirimi i holandezit, nëse ai e dëshiron një gjë të tillë.
“Është normale se bisedimet me ngasës si Verstappen janë duke vazhduar. Unë jam duke e dhënë më të mirën dhe nuk kam pse të brengosem. Janë dy ulëse në secilin ekip të Formula 1”, ka deklaruar Russell të premten për “Sky Sport”.
