Draftimi i statutit të asociacionit të komunat me shumicë serbe, është bërënjë prej pikave mëtë diskutueshme në kuadër të dialogut Kosovë – Serbi.
Drafte, tashmë kanë prezantuar shumë aktorë, brenda e jashtë Kosovës. Në mesin e tyre është edhe kryeministri shqiptar Edi Rama, i cili më 8 qershor njoftoi se një draft ia ka dërguar bashkësisë ndërkombëtare.
Të enjten pas takimit me Ramën, kryetari i Kuvendit të Kosovës, Glauk Konjufca, ka thënë se draftit i statutit të asociacionit që ka propozuar kreu shqiptar, ka elemente të autonomisë territoriale për serbët.
Por, nga Podgorica kryeministri Rama, i ka demantuar këto deklarata duke thënë se me Konjufcën nuk kanë folur për draftin e asociacionit.
Kjo pikë prerje në të cilën po zhvillohet polemika mes krerëve të të dyja shteteve, sipas njohësit tëçështjeve politike Melazim Koci, mund tëçoj në një acarim edhe më të madh të raporteve mes Kosovës dhe Shqipërisë.
Kosova ka propozuar një draft-vizion për asociacionin dhe këtë obligim synon ta përmbush duke u bazuar në modelin kroat për menaxhimin e të drejtave të pakicave serbe. Por, këtë vizion, nuk e ka zbërthyer ende në një draft propozim konkret.
