Deri të mërkurën shtëpitë ishin të banueshme në fshatin Kuk të Dragashit, por vërshimet kthyen përmbys gjithë orenditë.
Nga reshjet e mëdha familja Avdullahu ka pësuar dëme të konsiderueshme.
Madje një pjesë e shtëpisë u shemb, por që fatmirësisht arritën t’i shpëtonin dy të moshuarit.
“Kjo shtëpi është e banueshme ka qenë agja dhe nusja e agjit, në një moshë 80 vjecare nderkohë ku kemi që vërshimet kanë qenë në përmasa të mëdha i kemi tërheq agjen dhe nusen e agjit dhe shtëpia fillojë mu shemb”, tha Sevim Avdullahu – banor i fshatit Kuk.
E këtë të enjte, me forcën që gjetën pas kësaj fatkeqësi, banorët e fshtatit Kuk, dolën për të pastruar sado pak dëmet.
Në rrezik për jetë ishte edhe familja Ymeri, të cilëve uji u depërtoi brenda shtëpisë.
Por vërshimet shkatërruan gjithçka që ai kishte në katin e parë.
“Po kemi qenë rrezik për jetë, por shtëpia ka qenë e fortë dhe kemi shku në katin e dyte kemi shiku si spektator. Vlera e këtyre dëme besoj që është afër 10 mijë euro, këtë plemen e ka prish edhe në momentin ku kjo pojata është prishur uji ka filluar drejt shtëpisë, atëherë prej një shtëpisë tek shtëpia e vëllait tjetër”, tha banori – Meliq Ymeri.
Lokali të cilën e kishte për vite me radhë, iu dëmtua edhe Lirim Refikut.
“Për momentin nuk mundem me ditë se është mujsh me zallë se unë nuk mundem me hi brenda aty poshtë edhe lokali sic po e shihni komplet lloqi e uji është brenda. Janë gjërat elektrike,aparati frizat, telvizorat e gjera të tjera, poshtë është podrumi, i shtëpisë që ka friza e gjera të tjera”, tha ai.
Banorët e fshatit kanë mbetur edhe pa energji elektrike e pa ujë të pijshëm që nga mbrëmë.