Shporta e mbeturinave e kësaj shtëpia në lagjen “Kodra e Trimave” në kryeqytet përfundoi në ujë.
Nga reshjet e mëdha të shiut që filluan të hënën mbrëma, u përmbyt edhe një pjesë e oborrit.
E gjitha hapësira u rrethua me shirit të sigurisë, i cili u vendos nga ekipet monitoruese të Komunës së Prishtinës.
Rreziku kanosej në vazhdimësi pasi që energjia elektrike në këtë shtëpi dyshohet se ishte e ndezur.
E Policia e Kosovës fillimisht nisi të mbledhë informacione nga banorët lokal.
Televizioni nuk arriti të kontaktoj me pronarin e shtëpisë, megjithatë, një banor i kësaj lagjeje, i tha televizionit se problemi me vërshimet këtu daton nga viti 2023.
Ai, tha që këtë gropë këtu para disa muajsh e hapi Komuna e Prishtinës, por ajo sipas tij, nuk po kryen punë.
“Vetëm e kanë sjellë një kompani private kanë ardhur e kanë hapur gropën, gropa është katër metra thellësi gjerësia 30 metra. Nëse dikush nga familjarët tonë vdesë, kush e merr përgjegjësinë”, është shprehur njëri nga banorët
Andaj ai ka një kërkesë për komunën.
“Duhet me ardhë me pa gjendjen faktike edhe e dinë ata, me ardhë me rregullu këtë problem njëherë përgjithmonë se ata me taksa tona po paguhen”, është shprehur banori
Apel për kujdes kanë bërë edhe nga Komuna e Prishtinës, teksa kanë thënë që ekipet po monitorojnë punën në terren.
“Këto reshje mund të shkaktojnë vërshime të shpejta dhe rritje të nivelit të ujërave në lokalitete të caktuara. Ekipet tona të terrenit po monitorojnë situatën dhe janë të përgatitura të ndërhyjnë sipas nevojës. U bëjmë thirrje qytetarëve: të kenë kujdes gjatë qarkullimit, të shmangin zonat me rrezik vërshimesh, dhe të raportojnë çdo situatë të pazakontë në numrat emergjentë të qytetit”, kanë lajmëruar nga Komuna e Prishtinës.
Vërshime gjatë ditës ka pasur edhe në disa lagje të kryeqytetit.
