Kjo shkollë në Mitrovicën e Veriut të dielën do të shërbejë si qendër e votimit. Përveç saj, qytetarët e kësaj komune do të mund të votojnë edhe në 5 qendra të tjera me gjithsej 24 vendvotime.
Në institucione të njëjta shkollore do të votojnë edhe qytetarët e Leposaviqit, Zveçanit dhe Zubin Potokut.
Ndryshe prej zgjedhjeve komunale, kësaj radhe votimi nuk do të behët në kontejnerë.
Zëdhënësi i KQZ-së, Valmir Elezi thotë se votimi do të jetë në shkolla dhe në disa objekte private.
E herën e kaluar, drejtorët e këtyre institucioneve nuk dhanë leje për votimin e qytetarëve. Për këtë gjë, ata tashmë janë në proces gjyqësor me Komunën e Mitrovicës së Veriut.
Kryesuesi i Kuvendit komunal të Mitrovicës së Veriut, Nexhat Ugljanin thotë se këtë herë ka ndikuar edhe kjo gjë mirëpo edhe situata e sigurisë. Më 23 prill të vitit 2023, në katër komunat veriore u mbajt proces zgjedhor. Votimi u bë në kontejnerë.
