Ministri i Mbrojtës së Shqipërisë, Pirro Vengu, ka thënë se lufta në mes Ukrainës dhe Rusisë ka krijuar kërcënime për gjithë kontinentin e Evropës.
Ai ka thënë se vendet e rajonit që janë pjesë e NATO-s dhe ato me perspektivë për anëtarësim duhet t’iu bëjnë ballë në mënyrë të unifikuar këtyre kërcënimeve.
Në një intervistë ekskluzive për emisionin”InfoNata” në Tëvë1, ai thotë se marrëveshja ushtarake ndërmjet Kosovës, Shqipërisë e Kroacisë ka këtë qëllim.
“Ka kërcënime të natyrës, konvencionale në lindje të Evropës, lufta mes Ukrainës dhe Rusisë pa dyshim që ka krijuar një dallgë kërcënimesh në gjithë kontinentin, kemi kërcënime të natyrës hibride që synojnë të destabilizojnë qëndrueshmërinë, institucionet e vendeve tona. Nga kjo pikëpamje si vende qoftë aleate në NATO apo vende që kanë perspektivë për tu anëtarësuar në NATO. Këtu është e rëndësishme që kemi edhe mbështetjen e fortë të Kroacisë për anëtarësimin e Kosovës në NATO dhe si vende që kontribuojnë në KFOR, Kroacia dhe Shqipëria, na duhet që t’i bëjmë ballë në mënyrë të unifikuar këtyre kërcënimeve, qoftë për të ripërsëritur vlerat tona, këndvështrimin tonë si vende perëndimore dhe nevojën që NATO të ketë së më shumë prezencë në rajon”, ka thënë Vrengu.
Sa i përket bashkëpunimit të Shqipërisë dhe Kosovës në fushën e mbrojtës e ka vlerësuar si shumë të lartë.
Vrengu ka thënë se ky bashkëpunim është dinamik dhe i natyrshëm dhe është rritur edhe sa i përket forcave të armatosura.
