Në Leposaviq, serbët lokalë kanë nisur vendosjen e barrikadave nëpër rrugë. Qytetarët kanë vendosur barrikadë në rrugën që të çon pikërisht në ndërtesën e Komunës së Leposaviqit, raporton teve1.info
Gazetarja e Tëvë1, Fetije Kamberi ka raportuar se në qytetin e Leposaviqit aktualisht është lëshuar edhe alarmi.
Ndryshe, situata në veri të Kosovës, komuna me shumicë serbe që tashmë drejtohen nga kryetarë shqiptarë, po shoqërohet sot me tensione.
Në të katër komunat, u dëgjuan fillimisht sirena alarmi, ndërkohë që para objekteve komunale në Zubin Potok, Zveçan dhe Leposaviq u mblodhën edhe qytetarë serb.
