Ambasadori i Britanisë së Madhe në Prishtinë, Jonathan Hargreaves, e ka përshëndetur vendimin e Qeverisë për zbatimin e vendimit të Gjykatës Kushtetuese për Manastirin e Deçanit.
Përmes një postimi në platformën “X”, Hargreaves ka shkruar se një vendim i tillë dëshmon guxim politik.
“E mirëpres vendimin e Qeverisë së Kosovës për zbatimin e vendimit të Gjykatës Kushtetuese për Manastirin e Deçanit, i cili dëshmon guximin politik dhe përkushtimin e saj për sundimin e ligjit”, thuhet në postimin e tij.
Ndërsa, kujtojmë se kryeministri i vendit, Albin Kurti, sot në mbledhjen e Qeverisë ka bërë të ditur se i ka kërkuar Agjencisë Kadastrale ta regjistrojë pronën e Manastirit të Deçanit sipas vendimit të Gjykatës Kushtetuese.
