Konsulenti politik Xhevdet Pozhari ka komentuar vendimin e Gjykatës Kushtetuese lidhur me mënyrën e votimit në Kuvend, duke e cilësuar si “ndërhyrje të fortë” me synim konstituimin e tij.
Pozhari thotë se Gjykata ka bërë të qartë se nuk do të ketë votim të fshehtë për zgjedhjen e kryetarit të Kuvendit, gjë që sipas tij përbën një dallim të madh nga vendimi i vitit 2014.
Ai tha se duhet diskutuar mbi kompetencat e Gjykatës për të ndërhyrë në situata të tilla, si dhe mbi praktikat që ajo zgjedh të zbatojë.
Kraki shpreh dyshime se Gjykata Kushtetuese në këtë rast nuk e ka bërë punën ashtu siç duhet.
“Gjykata ka bërë një ndërhyrje të fortë. Ajo dëshiron konstituimin e Kuvendit. Derisa pikat kanë qenë kontestueshme nëse duhet lejuar votimi i fshehtë apo jo – prezenca e mosprezenca e deputetëve – votimi i tyre, respektivisht zgjedhja e kryetarit mendoj se me këtë njoftim Gjykata ka bërë të ditur se s’do të ketë votim të fshehtë. Ky vendim është goxha ndryshe nga ai i vitit 2014. Tash duhet diskutuar kësaj Gjykate i ka kompetencat që edhe kur të sheh një situatë të tillë ka modele ku mund të ndërhyhet e të imponojë, mirëpo atëherë duhet të parë se cilat praktika ti je duke i propozuar. Pse duhet tri herë e jo më shumë? Nga rrjedh ajo? Atëherë çon te dyshimet që Gjykata Kushtetuese në këtë rast nuk e ka bërë ndoshta punën ashtu për çka edhe është e thirrur”, tha ai në emisionin “Këndi i Debatit” në Tëvë1./teve1.info/
