Vëllaznimi i Gjakovës ka marrë një fitore të rëndësishme në kuadër të xhiros së 20-të në Superligën e Kosovës në basketboll.
Në palestrën “Shani Nushi” në Gjakovë, Vëllaznimi triumfoi ndaj Golden Eagle Yllit me shifrat 92:70 për fitoren e 11-të këtë sezon në elitë.
Me këtë triumf, Vëllaznimi ka tubuar 31 pikë, tri më shumë se Ylli që regjistroi humbjen e dhjetë deri më tani në Superligë.
Vëllazni u tregua skuadër më e mirë, sidomos në çerekun e fundit, të cilin e fitoi 33:17 për ta vulosur fitoren ndaj ekipit nga Suhareka.
Arian Azemi me 24 pikë e Jericole Hellems me 23 sosh, ishin ndër më të dalluarit te Vëllaznimit kurse te skuadra e Yllit më efikasi ishte Jan Palokaj me 18 pikë e 6 kërcime.
