Vëllaznimi ka shokuar Pejën në xhiron e tetë të Superligës së Kosovës në basketboll, duke e mposhtur në Gjakovë për t’ia shkaktuar humbjen e parë sezonale.
Peja nisi më mirë ndeshjen. Lideri udhëhoqi në dy periudhat e para duke krijuar epërsi prej 10 pikësh në fund të pjesës së parë, 56:46. Por në dy periudhat pasuese vendasit u rikthyen duke çuar gjithçka në vazhdime. Në vazhdime, Vëllaznimi fitoi 10:9 për rezultatin përfundimtar të ndeshjes 100:99.
Sammuel Sessoms udhëhoqi befasinë me 30 pikë, tetë kërcime e tetë asistime. Ai u ndihmua nga Jalen Ray që pati 29 pikë. Te Peja më i miri ishte Jacob Calloway.
Peja mbetet lider me 15 pikë pas tetë ndeshjeve. Vëllaznimi ngjitet në vendin e tretë me tri pikë më pak se Peja. 12 pikë ka edhe Trepça në pozitën e dytë.
