Skuadra e Vëllaznimit e ka nisur vitin 2025 ashtu siç e përfundoi vitin 2024, me fitore.
Në kuadër të xhiros së 15-t të Superligës së Kosovës në basketboll, Vëllaznimi ka triumfuar ndaj Pejës.
Në duelin e luajtur të enjten mbrëma në Gjakovë, skuadra e Vëllaznimit triumfoi me shifrat 83:69.
Për Vëllaznimin, kjo është fitorja e katërt rresht në Superligë kurse e para në vitin 2025, e cila e ngrit në kuotën e 23 pikëve, sa i ka edhe Peja që regjistroi humbjen e shtatë këtë sezon.
Jericole Hellems me 21 pikë e Trey Anderson me 17 pikë të realizuar ishin më të dalluarit te Vëllaznimi, ndërsa te Peja u veçua Tristan Ipke me 14 pikë e 3 kërcime.
Vëllaznimi u tregua ekip shumë më i mirë se Peja, sidomos në dy çerekët e parë kur edhe krijoi shkëputjen në rezultat për ta pasur komoditetin që në dy çerekët e fundit ta ruaj për ta shënuar fitoren e tetë këtë sezon në Superligë.
