Skuadra e Vëllaznimit është kthyer te fitorja në Superligën e Kosovës në basketboll. Të dielën, Vëllaznimi ka triumfuar bindshëm ndaj Istogut me shifrat 90:57, në duelin e luajtur në Gjakovë në kuadër të xhiros së 20-të.
Kjo fitore për Vëllaznimin erdhi pas dy humbjeve rresht dhe e ngrit ekipin gjakovar në kuotën e 29 pikëve në tabelë. Skuadra gjakovare ka dominuar totalisht ndaj Istogut, i cili arriti ta fitoj vetëm çerekun e tretë (17:11).
Për Istogun, kjo ishte humbja e 19-të këtë edicion, në të cilin e ka edhe një fitore. Zë vendin e fundit në tabelë me 21 pikë të tubuara.
Myreon Jones me 24 pikë dhe Jalen Ray me 17 pikë të realizuara ishin më të dalluarit te Vëllaznimt. Ndërkohë, te Istogu u veçua Arian Azemi me 18 pikë të shënuara.
