Historiani dhe njëri nga themeluesit e LDK-së, Jusuf Buxhovi, përmes një postimi në profilin e tij në Facebook ka njoftuar se vëllai tij Bashkim Buxhovi ka arritur të largohet nga Kievi në drejtim të Përendimit, shkruan Teve1.info.
Shqiptari nga Kosova, Bashkim Buxhovi kishte mbetur i ngujuar në një bodrum në Kiev me gruan dhe vjehrrën, që nga fillimi i bombardimeve ruse në Ukrainë ndërsa dy fëmijët e tij ishin nisur drejt Polonisë.
Përndryshe, Bashkim Buxhovi është shkrimtar, autor i dy romaneve “Sateliti i planetës së humbur” në dy vëllime dhe “Jeta në tri botëra” i cili prej vitesh jeton në Ukrainë me familje.
Postimi i plotë në Facebook:
Ma në fund një lajm shpresëdhënës nga Ukraina. Im vëlla, shkrimtari Bashkim Buxhovi, ia doli që të largohet nga Kievi në drejtim të Perëndimit…
Urojmë që edhe hapat e fundit drejt shpëtimit, në kufirin Ukrainë-Hungari, t’i përballojë sa ma parë…
