Gjykata Themelore në Pejë e dënoi me burgim të përjetshëm Edmond Lajqin, i cili në prill të këtij viti e vrau gruan e tij, Gjyljeta Ukellën. Vëllai i saj thotë se ky dënim ua ka lehtësuar dhimbjen dhe e ka kthyer besimin në institucionet e drejtësisë.
Për vrasjen e gruas së tij në Pejë, u dënua me burgim maksimal.
Edmond Lajqi mori dënim me burg të përjetshëm, pasi në prill të këtij viti e vrau Gjyljeta Ukellën në banesën e tyre.
Për të marrë këtë lajm, të premten nuk ishte i pranishëm Lajqi.
Këtë vendim e kishte marrë seancën e kaluar.
E në gjykatore, prezent ishin vëllezërit e Gjyljetës, Edison dhe Shpat Ukella.
Të dy, iu gëzuan këtij lajmi të drejtësisë.
Për vëllaun e Gjyljetës, Shpatin, ky dënim ua ka lehtësuar dhimbjen familjes Ukella.
Ukella thotë se iu është kthyer besimi në drejtësi.
Ai tha se edhe gjendja e fëmijëve është e mirë dhe janë pranë familjarëve të nënës.
Gjyljeta Ukella u vra mëngjesin e 16 prillit në banesë nga bashkëshorti i saj, Edmond Lajqi.
