Sipas Presidencës ukrainase në prani të Kreut të Shtetit, Kryetari i Presidiumit të Kongresit të Autoriteteve Lokale dhe Rajonale, Shefi i Zyrës së Presidentit, Andriy Yermak dhe Presidenti i Eurocities, Kryetari i Bashkisë së Firences, Dario Nardella, nënshkruan një Memorandum Mirëkuptimi për të mbështetur rindërtimin e qëndrueshëm të qyteteve të Ukrainës.
Presidenti Zelesnsky përshëndeti delegacionin e Eurocities në Ukrainë dhe theksoi rëndësinë e vizitave të tilla në këtë kohë të vështirë, kur Ukraina po lufton kundër pushtimit rus.
Volodymyr Zelensky falënderoi qeveritë dhe popujt e vendeve evropiane për mbështetjen e tyre ndaj Ukrainës dhe qytetarëve tanë.
“Kur flasim për ndihmë dhe mbështetje – humanitare, ushtarake, politike – është gjithashtu e rëndësishme të mos harrojmë ndihmën në rindërtimin e qyteteve dhe komuniteteve tona. Dhe është e rëndësishme që rindërtimi të mos fillojë pas luftës, por tani. Është e nevojshme të sigurohen masa humanitare që do t’i lejojnë njerëzit në Ukrainë t’i kthehen jetës normale“, tha kreu i shtetit.
Presidenti falënderoi qytetet evropiane për strehimin që u dhanë qytetarëve ukrainas që u detyruan të largoheshin nga lufta. Në të njëjtën kohë, ai vuri në dukje se kërkon të krijojë kushte për kthimin e ukrainasve në atdheun e tyre. Kjo është arsyeja pse është kaq e rëndësishme të rivendoset puna.
“Jam i lumtur të mirëpres delegacionin e Eurocities në Ukrainë. Ne e vlerësojmë që në këtë kohë të vështirë, kur vendi ynë po lufton kundër pushtimit rus, ju jeni me ne. Unë u jam mirënjohës qyteteve evropiane për strehimin e njerëzve tanë që u detyruan të ikin nga lufta. Ne gjithashtu do të jemi mirënjohës për ndihmën në rivendosjen e banesave, infrastrukturës – kushteve për kthimin e ukrainasve në atdheun e tyre. Është e rëndësishme që rindërtimi të fillojë jo pas luftës, por tani. Sot është bërë një hap tjetër për këtë. Një Memorandum Mirëkuptimi u nënshkrua për të mbështetur rindërtimin e qëndrueshëm të qyteteve të Ukrainës.”- tha Zelensky.
Nga ana e tij, presidenti i Eurocities theksoi se Asociacioni solidarizohet me Ukrainën në kohët e vështira të luftës dhe u ofron mbështetje qyteteve dhe komuniteteve të Ukrainës, si dhe njerëzve që u detyruan të largohen përkohësisht nga vendi./tch
