Shef i Stafit në Kabinetin e Presidentes së Kosovës, Blerim Vela ka reaguar rreth situatës aktuale në veri të vendit. Ai ka thënë se strukturat ilegale dhe kriminale të Serbisë në veri të Kosovës kanë marrë urdhër për përshkallëzimin e situatës, raporton teve1.info
Vela theksoi se Serbia mban përgjegjësi të plotë për gjendjen që është krijuar në veri të Kosovës.
“Strukturat ilegale dhe kriminale të Serbisë në veri të Kosovës kanë marrë urdhër për përshkallëzimin e situatës në terren. Protestues “paqësor” që përdorin veprime hibride dhe të dhunshme kundër forcave të rendi. Dhuna nuk do të mbizotërojë. Serbia mban përgjegjësi të plotë për përshkallëzimin”, ka shkruar Vela.
Serbia’s illegal and criminal structures in north Kosovo have received orders to escalate the situation on the ground.
“Peaceful” protesters who use hybrid and violent actions against law enforcement.
Violence won’t prevail. Serbia bears full responsibility for the escalation. pic.twitter.com/QS3AUiawqT
— Blerim Vela (@Blerim_Vela) May 26, 2023
Ndryshe, Policia e Kosovës ka përdorur gaz lotsjellës dhe shok-bomba për t’i shpërndarë qytetarët e komunitetit serbë të cilët janë grumbulluar para objektit komunal në Zveçan.
Gjithashtu ka pasur edhe një përleshje ndërmjet Policisë së Kosovës dhe qytetarëve serbë. Po ashtu janë dëgjuar edhe të shtëna me armë në këtë komunë.
Ndërsa, Policia e Kosovës ka konfirmuar angazhimet policore në mbarëvajtje të sigurisë në veri të vendit, dike bërë të ditur se po asistojnë kryetarët e komunave në veri, si në Zveçan, Leposaviq e Zubin Potok për të ushtruar të drejtën e tyre në punë, në objektet zyrtare të komunave përkatëse./teve1.info
