Trajneri i futbollit dhe analisti i emisionit VAR në Tëvë, 1, Robert Gjeraj ka qenë shumë kritik për mënyrën se si funksionojnë klubet e Superligës së Kosovës në futboll, me futbollistët e ri.
Gjeraj ka përmendur disa nga top futbollistët nga Kosova, të cilët në ligën elite të vendit tonë, nuk e kanë gëzuar besimin, por ata janë rritur vetëm pasi janë larguar nga Kosova, për t’u bërë lojtarë kryesorë pastaj te kombëtaret e Kosovës dhe Shqipërisë.
“Mirlind Dakun nuk e kanë llogaritë hiq, Vedat Muriqin nuk e kanë llogaritë në kohën kur ka qenë te Liria. Lojtari sot bëhet me punë edhe shitet me punë. Amir Rrahmanin poashtu, Milot Rashicën pastaj, derisa Albion Rrahmani e ka lënë futbollin njëherë. Janë shumë raste, që ne kemi dështuar, por vetëm për shkak të karakterit të lojtarëve dhe mos dorëzimit të tyre, ata kanë përparuar. Tash lojtarët e tjerë, duhet me i marr modelë këta lojtarë qysh nuk janë dorëzuar”, ka thënë Gjeraj.
Sipas trajnerit prizrenas, trendi i mohimit të të rinjve, përjashto skuadrën e Malishevës, është duke u shndërruar në një dukuri negative, e cila do të ketë pasoja për të ardhmen, pasi klubet e Superligës, nuk po u dhënë hapësirën e duhur dhe nuk po iu besojnë lojtarëve të ri.
“Lojtarëve të ri, përveç Malishevës, shumë pak po iu jepet përparësi për të luajtur në Superligën e Kosovës, sidomos në këtë vitin e fundit. Ka shumë kërkesa për lojtarë. Mua më shkruajnë vazhdimisht agjentët e huaj për lojtarë të ndryshëm, por atyre po u mungon minutazha e lojës, lojtari kalitet vetëm duke luajtur”, ka thënë Gjeraj.
Për më tepër shikoni emisionin e plotë të VAR:
