Sulmuesi i Kosovës, Vedat Muriqi e ka vazhduar kontratën me klubin spanjoll, Mallorca deri në vitin 2029.
Lajmi u konfirmua nga klubi ishullor përmes rrjeteve sociale, duke shkruar se “Historia e piratit vazhdon në Mallorca” edhe për katër vjet.
Edhe futbollisti ka shfrytëzuar rrjetet sociale për ta konfirmuar vazhdimin e kontratës me Mallorcën.
Ai e ka postuar një video në një barkë dhe duke e vendosur flamurin e piratëve, derisa në sfond dëgjohet një këngë në gjuhën spanjolle me Vedat Muriqin të veshur me fanellën e klubit, duke e shijuar suksesin e fundit në deti.
Muriqi është pjesë e klubit spanjoll që nga viti 20022 me të cilën skuadër ka luajtur në 123 ndeshje në të gjitha garat, duke i realizuar 40 gola e 11 asistime.
Përfaqësuesi i Kosovës, pati një sezon të vështirë, vitin e kaluar duke u përballur me lëndime dhe i limituar në vetëm 29 paraqitje, duke i realizuar vetëm 7 gola.
Ai kishte ofertë për t’u kthyer në Turqi, te Beshiktashi, por drejtuesit e Mallorcës i vendosën çmimin e lartë për ta mbajtur në klub dhe për t’ia vazhduar kontratën.
