Sulmuesi i Kombëtares së Kosovës, Vedat Muriqi do të jetë transferimi i madh i skuadrës së Fenerbahçes në afatin kalimtar të verës.
Mediumet turke kanë njoftuar të enjten se transferimi i Muriqit te Fenerbahçe me të përfunduar edicioni aktual, pothuajse është punë e kryer.
Thuhet se Fenerbahçe tashmë ka nisur kontaktet me Mallorcan, ndërsa Muriqi është i hapur për një rikthim në Turqi. Në fakt, Muriqi te Fenerbahçe po shihet si zëvendësim ideal për Edin Dzekon, i cili në verë pritet të transferohet në Arabinë Saudite.
Muriqi ka luajtur një edicion për Fenerbahçen, përpara se në vitin 2020 të transferohet te skuadra e Lazios për 21 milionë euro.
30-vjeçari ka kontratë me Mallorcan deri në vitin 2027, ndërsa kartoni i tij vlerësohet 15 milionë euro. Këtë edicion, Muriqi ka shënuar 6 gola në të gjitha garat për ekipin spanjoll.
