Sulmuesi i Kombëtares së Kosovës, Vedat Muriqi gjatë një interviste për EsportsIB3 e ka bërë një përmbledhje të këtij sezoni me Mallorcan.
Muriqi e kishte nisur mirë edicionin 2023/24, por një lëndim me kombëtaren e la atë jashtë për 3 muaj.
Ai u rikthye më pas, duke e ndihmuar Mallorcan të shkojë deri në finale, por duke u mposhtur pas penalltive nga Athletic Bilbao.
“Nuk ishte sezoni im më i mirë. E fillova duke humbur penallti, më pas u riktheva duke shënuar gola por u lëndova. Unë dua që ky sezon të mbyllet me një notë të mirë dhe Mallorca në pozitë të mirë”, u shpreh futbollisti kosovar.
Mallorca ende nuk e ka siguruar matematikisht mbijetesën, por është pranë kësaj arritjeje.
