Pasditen e të hënës ka ndërruar jetë avokati, Andrew Strong, raporton teve1.info
Lajmin e ka publikuar në rrjetet soaciale vet Ramush Haradinaj si dhe ish-këhsilltari i Kadri veselit, Avni Bytyqi.
“I pikëlluar nga vdekja e parakohshme e avokatit Andrew Strong, një luftëtar i jashtëzakonshëm për të drejtat e njeriut dhe një mik i çmuar i imi. Ai i’u bashkëngjit ekipit tim mbrojtës si student nga Chicago, për t’u bërë më vonë një ndër avokatët më të respektuar për pasionin e tij në mbrojtje të drejtësisë.
Ngushëllime familjes dhe miqve!’, ka shkruar Haradinaj.
Ndërsa Avni Bytyqi, ish këshilltar i Kadri Veselit, ka thënë se Andrew ka përfaqësuar idealen, besnikërinë dhe njeriun e palodhshëm.
“Para pak çastesh ka vdekur Andrew Strong, avokat i z. Kadri Veseli. Andrew për të gjithë ne ka përfaqësuar idealen, besnikërinë dhe njëriun e palodhshëm që lufton për të vërtetën. Andrew Strong me plot meritë e meriton titullin avokat mbrojtës i Ushtrisë Çlirimtare të Kosovës. Ai kishte mbrojtur edhe z. Haradinaj në Hagë. Andrew ishte amerikan, por me zemër ishte shqiptar. Fliste bukur shqip dhe e donte fort Kosovën. Ai jetoi duke e mbrojtur historinë e luftës tonë çlirimtare. Me quante vëlla në shqip, e me trajtonte si të tillë. Do të na mungojë shumë të gjithëve që e njohëm dhe punuam me të. Ngushëllime gruas së tij Rachel, dhe tre fëmijëve që la pas. Faleminderit për të gjitha, vëlla!”, ka shkruar ai.
