Lajmin për teve1.info e ka konfirmuar zëdhënësi i Policisë për rajonin e Gjilanit, Ismet Hashani.
Ai bëri të ditur se pas hetimeve është kuptuar se nuk bëhet fjalë për vetaksident, ashtu siç ishte thënë në fillim.
“Ju njoftojmë me informatë shtesë se sot më 25.07.2022 rreth orës 14:12 në dalje të fshatit Pogragjë është shkaktuar aksident trafiku në mes të një kamioni dhe një veture e llojit pikap, me tabela vendore”, është shprehur Hashani. Me këtë rast, drejtuesi i kamionit e humb kontrollin mbi drejtimin e mjetit të tij dhe më pastaj, pas një distance të konsiderueshme, përplaset për një muri skaj rruge. Ndihma e shpejtë personin e aksidentuar (drejtuesin e kamionit) me urgjencë e kanë dërguar në emergjencën e Spitalit Rajonal në Gjilan”, shtoi ai.
Tutje, Hashani shtoi se për rastin është njoftuar edhe Prokuroria dhe se është urdhëruar që trupi i pajetë të dërgohet në Institutin e Mjekësisë Ligjore./teve1.info/
