Një person ka pësuar infarkt, pas një çrregullimi fizik, gjatë ditës së sotme në liqenin e Radoniqit.
Viktima ishte dërguar në gjendje të rëndë shëndetësor në spitalin rajonal të Gjakovës, ku sipas raportit të personelit mjekësor i njëjti ka pësuar infarkt.
Lajmin për teve1.info e ka bërë të ditur zëdhënësi i Policisë së Kosovës për rajonin e Gjakovës, Sheremet Elezaj.
Elezaj thotë se lidhur me ngjarjen janë kryer të gjitha procedurat e nevojshme, si dhe është njoftuar prokurori i shtetit me vendim të së cilit, trupi i pajetë i viktimës iu është liruar familjarëve.
“Sot rreth orës 11:20 jemi njoftuar se viktima mashkull i moshës madhore pas një çrregullimi fizik të ndodhur në afërsi të liqenit të Radoniqit, ishte dërguar në gjendje të rënduar shëndetësore në spitalin rajonal në Gjakovë ku edhe ka ndërruar jetë (sipas personelit mjekësor viktima ka pësuar infarkt). Lidhur me ngjarjen policia ka kryer porcedurat e nevojshme si dhe është njoftuar prokurori i shtetit me vendimin e të cilit trupi i pajetë i viktimës ju është liruar familjarëve”, tha Elezaj./teve1.info/
