Një person ka humbur jetën gjatë kryerjes së punimeve në pullazin e një shtëpie të premten në Ferizaj.
Sipas raportit të Policisë, viktima ka rënë në kontakt me rrymën elektrike, ku mjeku kujdestar ka konfirmuar vdekjen në vendngjarje.
Policia ka bërë të ditur se me kërkesë të familjarëve dhe pas konsultimit me prokurorin e rastit, trupi i pajetë i viktimës është liruar për t’u përcjellë për ceremoninë mortore.
“Fsh. Mirash, Ferizaj 14.11.2025 – 12:42. Është raportuar se viktima mashkull kosovar, deri sa ishte duke punuar në pullazin e shtëpisë ka rënë në kontakt me rrymën dhe si pasojë ka humbur jetën. Vdekjen e viktimës e ka konstatuar mjeku ndërsa me kërkesë të familjarëve dhe konsultim me prokurorin trupi i pajetë u është liruar familjarëve për ceremoni mortore”, thuhet në raportin policor./teve1.info/
