Një person nga fshati Zhur i Prizrenit ka vdekur në QKUK pas plagëve të marra nga goditja me thikë.
Lajmin për teve1.info e ka konfrimuar zëdhënsi i Policisë për rajonin e Prizrenit, Shaqir Bytyqi.
“Sonte, më datë 10.08.2025, rreth orës 21:20, Policia e Kosovës ka pranuar informacion se një person me lëndime është dërguar në emergjencën e Spitalit Rajonal të Prizrenit.
Sipas mjekëve, viktima, mashkull, ishte therur me thikë dhe ndodhej në gjendje të rëndë shëndetësore. Ai është dërguar për trajtim në QKUK – Prishtinë, ku më pas ka ndërruar jetë si pasojë e plagëve të marra”, ka thënë Bytyqi.
Ai ka bërë të ditur se një person për këtë rast është idenfikuar i cili gjendet në arrati.
“Patrullat policore janë nisur menjëherë në drejtim të fshatit Zhur për identifikimin dhe kapjen e të dyshuarit. Nga informacionet e mbledhura, i dyshuari është identifikuar dhe aktualisht ndodhet në arrati. Njësitë policore janë ende në terren dhe po ndërmarrin të gjitha veprimet e nevojshme për kapjen e tij.Për rastin është njoftuar prokurori kujdestar dhe po ndërmerren veprimet ligjore të mëtejme”,ka thënë ai.
