Një person ka humbur jetën në një aksident komunikacioni që ka ndodhur në fshatin Çikatovë e Vjetër në Drenas.
Lajmin për teve1.info e ka konfirmuar zëdhënësja për rajonin e Prishtinës, Flora Ahmeti.
Ajo ka thënë se në këtë aksident tre persona të tjerë kanë mbetur të lënduar.
“Rreth orës 12:30,kemi pranuar informatën se në fshatin Çikatovë e vjetër -Drenas, ka ndodhur një aksident trafiku me pasoja fatale. Në këtë aksident ka qenë i përfshirë, një automjet , ngasësi i të cilit për shkaqe të panjohura deri më tash,ka humbur kontrollin mbi automjetin dhe është aksidentuar. Si pasojë e aksidentit lëndime trupore kanë pësuar katër persona, një prej tyre nuk kanë arrit të përballojnë plagët dhe i njëjti kanë ndërruar jetë. Vdekjen e tij e ka konstatuar ekipi mjekësor në QMF(Qendrën e Mjekësisë Familjare) në Drenas”, tha Ahmeti.
Ajo ka bërë të ditur se me rastin po merret hetuesia nga njësiti i trafikut rrugor.
