Një qytetar i moshës 71-vjeçare ka vdekur si pasojë e një aksidenti në mes të një veture dhe një kamioni, pasditen e së hënës në Lipjan, raporton teve1.info
Lajmin për teve1.info e konfirmoi zëdhënësi i Policisë së Kosovës për Rajonin e Prishtinës, Agron Borovci.
Ai tha se aksidenti ka ndodhur në rrugën “Ibrahim Rugova” në Lipjan, derisa shtoi se shoferi i kamionit është dërguar në mbajtje për 48 orë.
“Rreth orës 14:00, është pranuar informata për një aksident trafiku rrugor të ndodhur në rrugën “Ibrahim Rugova” në Lipjan. Nga informatat e para është bërë e ditur se në aksident janë përfshirë një veturë dhe një kamion dhe për pasojë një person, mashkull, 71 vjeç, ka humbur jetën. Përderisa policia ka dalë në vendin e ngjarjes dhe ka nisur punën për hetimin e shkaqeve që kanë sjellë deri te aksidenti, me urdhër të prokurorit të shtetit vozitësi i kamionit është dërguar në mbajtje prej 48 orësh”, tha Borovci.
