Një person i moshës 60-vjeçare ka vdekur mëngjesin e së dielës, pasi i ishte përkeqësuar gjendja shëndetësore derisa ndodhej në një kafiteri së bashku me vëllaun e tij.
Togeri, Tahir Kabashi nga Drejtoria Rajonale e Policisë së Kosovës në Prizren, për tëvë1.info ka bërë të ditur se rasti ka ndodhur në rrugën “Ilaz Kodra” në Prizren.
Kabashi po ashtu ka njoftuar se përkundër ndihmës së ofruar nga ekipi emergjent në vendin e ngjarjes viktima nuk ka arritur të shpëtojë.
Me urdhër të Prokurorit Publik, trupi i pajetë është dërguar në Institutin e Mjekësisë Ligjore për autopsi.
“Sot rreth orës 09:20 në rr. Ilaz Kodra në Prizren, qytetari T.Q. i moshës rreth 60 vjeçare, deri sa ishte në një lokal për kafe (kafiteri “Crali”) së bashku me vëllaun e tij, për një moment ju ka përkeqësuar gjendja shëndetësore. Të pranishmit menjëherë kanë kërkuar ndihmën mjeksore, ku emergjenca ka dal në vendin e ngjarjes, mirëpo edhe përkundër ofrimit të ndihmës mjekësore, mjeku ka konfirmuar vdekjen e të ndjerit. Sipas vëllaut të viktimës, i ndjeri kishte probleme shëndetësore të mëhershme.Njësit relevante policore menjëherë iu kanë përgjigjur rastit në fjalë. Lidhur me rastin është njoftuar Prokurori Publik i shtetit i cili ka autorizuar Policinë e Kosovës për ndërmarrjen e të gjitha veprimeve policore. Me urdhër të Prokurorit Publik, trupi i pajetë dërgohet në Institutin e Mjekësisë Ligjore për autopsi. Rasti është duke u hetuar”, ka thënë Kabashi./teve1.info/
